Google ADS

Policia jep detaje rreth kërkimit të trupit të Sali Gërqinës

12:10 | 1 Korrik 2017
Arbresh.info

Po vazhdojnë kërkimet për Sali Gërqinën, i cili me kërcimet e shpeshta në stilin ‘dallëndyshja’ nga Ura e Fshajt, mori vëmendjen e të gjitha mediave botërore vitin e kaluar.

Ai po konsiderohet i zhdukur, meqë ende nuk ka ende asnjë lajm për të.

Ekipet e policisë, bashkë me FSK’në e një grup tjetër të zhytësve tash e disa ditë janë duke e kërkuar trupin e Sali Gërqinës.  Por lidhur me fatin e tij ende nuk ka ndonjë të re.

Zëdhënësja në rajonin e Gjakovës, Lirije Podimaj, ka thënë të dielën për Express, se FSAK bashkë me policinë janë duke i vazhduar kërkimet, mirëpo deri më tani nuk ka ndonjë rezultat.

“Patrullat i kemi në vendin e ngjarjes, dhe FSK po vazhdon me kërkim. I kanë në mbështetje edhe njësitin e shfrytëzuesve vullnetar nga Mitrovica. Kërkimet do të vazhdojnë edhe për disa ditë”, ka thënë ajo.
Sali Gërqina njihet si njëri prej kërcimtarëve më të mirë në histori të Urës së Fshajt në stilin “dallëndyshe”.

Shpërndaje në rrjete sociale

Lajmet më të lexuara

Të ngjashme

Foto lajm